Ahmaq

Himaqatain kuch is qadar bahaard chuki hain kay aab tu hum naya libaas khareed-nay ko bhee hud darjay ke fazool kharchee aur paap mantay hain – Aaj aik Café main jahan hum apnee patloon ke booseeda jaib ka wazan aksar kitaboon ke awaaz halka kertay rehtay han, who bhee siraf is daar say kay kaheen jaib zaida wazan say bay-painday keee hoo gaee tou galay pard jaeey ge, wahan hamaray aik dost Junaid Bhi nay qallam wapis kertay hua maray aik haanth main kitaab aur doosray main camera daikhtay huay kaha “laeeyah main jaib main rakh doon” tou hum nay fat say tardeed ke kay janab Qameez main jaib naheen hai, aur na hoona he acha hai, kunkay hootee tou us ko bharnay ke khuwahish dil main jaagtee aur aseee khawahish baydaar ho jaeey tou rooh ko sulanay per tul jatee hai.

Aaj mughay khusheee hai kay maray paoon baghee hain aur juraboon ke hadoon ko toortay huay apney porwoon kay sar bahar nikaal rahay hain, aur joota ke pehra bhee shayad juld he toor kar azad hawa main sans lain gai. Aab naee juraboon main in pairoon ko qaid kerna humaray bus ke baat naheen, zameer bohat malamat karay ga, un ke mehnat pay youn paneee phairna kahan ke insanyat hai bhala.

Aab jab Jurabon kay 120 Rupay jama hoon gay tou aik naee kitaab loon ga takay is dunya kay banawatee khool sat mai bhee thora aur sar bahar nikaal sakhoon, aur kisee din aahista say main bhee Azad hoo jaoon ga phir khuleee hawa main saans lay ker, Haqeeqat kay rooh ba rooh khara main bhee doosron ke himaqatoun per hasoon ga, aur mukammal ahmaq kehlaoon ga.

Advertisements
Ahmaq